مش عارف ليه

فجأة يادنيا لقتني مبسوط مش عارف ليه؟........... خقت أدور أو أسأل و هستفاد إيه.........لا يطلع سبب تافة فزعل و أحزن على إيه.........و حتى لو كان تافه مش فرحتلي به يومين.أنا عارف يا دنيا أن ممكن يكون الحزن راجع و انا مستنية.......بإبتسامة أمل عريضة و شوية إرادة و عزيمة..........و المرة الجاية لما تتضيقني عارفة هعمل غيه........هعمل ش شايف و مش حاسس لحد ما تغيري رأيك و ترجعي تصلحيني

فاكرة

جلست على الدرجتين المؤديتين لقاعة الإستقبال بعد أن صلت الفجر تنتظرأن ينام جميع من بالمنزل الكبير لتحظى بقليل من الهدوءو الخصوصية....... و للتحدث لنفسها قليلا....... ها هي الساعة الخامسة و خمس دقائق فجرا و السكون يملئ المنزل إلا من صوت دقات أصابعها على الكمبيوتر و زقزقة العصافير ....و إبتدأ الحديث.إبتسمت لنفسها إبتسامة صغيرة لناحية واحدة تحولت لضحكة قصيرة فهي على وشك أن تذكر نفسها بأشياء كثيرة حدثت في مدة قصيرة و لا تدري إذا كنت إنتهت أم لا

فاكرة يوم ما كنت هتضربي رأسك في الحيط علشان حركة غبية عملتيها و اتفهمت غلط......فاكرة اليوم اللي قلت فيه لإيمان في حاجة غريبة....فاكرة يوم ما فضلتي تعيطي في عربية ريهام و قعدنا نشرب كادية و نحكي بلاوي قديمة و نضحك............فاكرة يوم ما أتلمحلك بكلام ما يعجبكيش و قعدتي أيام متنحة مش عارفة حتى تعيطي و كل الناس عمالة تسألك انت كويسة.............فاكرة يوم ما أتصلتي منهارة بمنى لأن في هبل حصل و لأنك مش قادرة تستوعبي غباء التوقيت..........فاكرة كل الأوقات الزبالة دي و اوقات تانية كنت بس مبسوطة من كلمة و إبتسامة.....................و اهم حاجة فاكرة أن كل ده بدأ يتبخر و أنك بقيتي كويسة و أن مافيش حاجة بقيت تأخد أكتر من حجمها .........متأكدة انك فاهمة الحتة الأخرانية دي متأكدة؟؟!! علشان لو مش فاهمها يبقى ...مش عارفة يبقى إيه حتى!!! يبقى لسه في مقارنات بينك و بين ناس تانين يبقى لسه في أمال الأكتر إحتمالا أنها ما تتحققش يبقى هترجعي خمسين خطوة لوراء و إحنا فيعرض خطوة واحدة لقدام

تخيل

و الواحد قاعد في مطبخ بيتهم أو لو إنسان طبيعي في أودته أو أودة مكتبه تخيل

أقفل بابك عليك و أقفل عينيك و تخيل ورقة بيضة .......ورقة كراسة رسم و أقلام و ألوان ..كل ده في خيالك ...........و أبدأ أرسم .... أوعى تقول ما بعرفش أرسم أحنا بنتخيل و أي حد بيعرف يعمل اي حاجة في خياله..........لون السما رمادي ....رمادي غامق أقرب للأسود وبالفضي او الأسود أرسم شعاع برق طويل طويل قوي من السما للأرض........حط شوية خطوط صغيرة أو أقواس على جنب البرق علشان يديك إحساس الرعد في الرسمة.........على الجنب الشمال خد أغمق أخضر عندك و أرسم بيه شجر...شجر بفروع طويلة عالجنب و ما تنساش الجزع .......جزع بني عريض قوي وثابت في الأرض طير من الشجر شوية ورق عاليمين و عالشمال علشان توصف الريح .....في الحتة الفاضية اللي عاليمين أرسم كوخ زي ماكنت بترسم بيت و انت صغير بس أوعى ترسموا بالمسطرة لأ أرسموا عادي بألوان غامقة بني و رمادي و أخضر غامق بخطوط طويلة علشان تدي شعور القش اللي الكوخ معمول منه.........و أرسم في النص ظل بني ادم...مش بني أدم كامل ظل بني أدم بس .....بني أدم كده تعيس لابس بلوزة رمادي على بنطلوت أسود؟؟؟؟و باين عليه الإحباط و تحطم الأمال على صخرة الواقع الكريهة

---------------------------------------------------------------------

أقلب بقى الورقة.....ورقة الرسم إياها اللي في دماغك هتلاقي صفحة بيضة تانية خالص ممكن ترسم فيها اللي أنت عاوز ترسمه......أركن بقى الألوان الغامقة كلها على جنب و هات النص التاني من علبة الألوان...............النص المشرق ......أول حاجة تعملها تجيب اللون الأصفر و ترسم بيهم شمس بخطوط حمرا و برتقالي طالعة منها علشان تديك شعور بالدفا و ما تنساش ترسم لها عينين و إبتسامة مشرقة تدل على التفائل.................وبألوان الطيف أرسم قوس قزح مالي نص الصفحة كبير قوي من السما للأرض ............و أرسم شجر عالشمال بأفتح أخضر موجود في العلبة.........كام وردة بمبي و صفر في أخر الشجرة و بالقلم الأزرق علشان ما نستخدمش الأسود بس ارسم سرب طيور بنفس الطريقة اللي كنا بنرسمها زمان.......و ما تنساش ترسم بيت عالجنب ممكن ترسموا بالمسطرة لو تحب بس اتأكد ان الشبابيك مدورة و أطرافها لونها أصفر و باب كبير أحمر........نسيت حاجة مهمة صح...المدخنة أوعى تنساها و طلع منها دخان معلش بقى أرسم الدخان بالرمادي ..دخان كتير و شم ريحة الأكل اللي جاية منه........لسه في مكان في النص مش كده أرسم بقى بني أدم رافع رأسه مش موطيها...لابس بنطلون جينز فاتح عليه بلوزة أو تيشرت أحمر.........أرسم عينيه مبسوطة بإبتسامة عريضة مليانة أمل و متأكدة ان إنهاردة و بكرة احلى بكتير قوي مما هو متخيل

----------------------------------------------------------------------

قبل ما تفتح عينيك أفتكر انك ممكن تختار أنت عايز تبقى انهوا صورة

أيام

إحساس قاتل بالحنين.............لأيام كان الواحد فيها باله مرتاح...........ليوم كان بيكره الإجازة علشان أصحابه هيوحشوا...........أيام ما كانت قعدت البيت خنيقة و عايز يخرج علطول يروح يقعد وسط ولاد خالتو و عمتو و يغلسوا على بعض ............أيام ما كان بيبص لأهله على أنهم جبال ما فيش حاجة في الدنيا تكسرهم............أيام ما كان متأكد أنه لو رفع إيديه و قال يا رب كل حاجة ممكن تتحق بداية من أنه يفوز دور الكوتشينة لحد أنه يجيب النمرة النهائية في الإمتحان.........أيام ما كان عنده إرادة كفاية أنه يخلص الخمستلاف مسئلة رياضة في قاعدة واحدة مهما عيط و أتشنج في النص...........أيام ما كان متأكد أنه يقدر يأخد جايزة نوبل بصباع رجله الصغير و أنه يقدر يكتب أحلى قصص في الدنيا.............أيام ما كان خياله خصب كفاية لدرجة أنه يقدر يحكي قصص لإبن خالته الصغير قبل النوم بشخصيات جديدة كل يوم.............أيام ما كان رمضان و العيد لهم ريحة مميزة ..........أيام ما كان يوم الأربع أحلى يوم في أيام الأسبوع لأن مافوش مذاكرة..............أذاي الواحد كبر قوي كده...........أزاي بقى عندي خمسة و عشرين سنة ؟؟؟؟ أزاي بقى عندي إستعداد أرمي كل أحلامي و أدهاسها لأني مش عايزة أتعب ..........أزاي بقيت طول ما انا قاعدة بهز في رأسي علشان الأفكار السودة تمشي...........أزاي مش فاكرة أخر مرة إنبسطت قوي لدرجة أني بقي وجعني من كتر الضحك ...........يارب أنا مر عليه رمضانات كان نفسي أبقى مع أهلي ............يا رب أنا بس عايزة أبقى كويسة و قادرة أستحمل .....يا رب أنا عايزة رمضان الجي يجي عليه و أنا عايشة