في حياة كل واحد مننا ناس كتير.....ناس قعدت ساعة، يوم و ناس قعدت شهور و سنين..... و في ناس مشيت من زماااااان بس لسه موجودين ، لأننا بنفتكرهم على طول ساعات بالضحك و ساعات بالدموع....... وفي ناس مش فاكرين منهم أي حاجة غير وجع و حلم ضاع معاهم....... وورا كل واحد من الناس دي حدوتة عايزة تتحكي

الجمعة، 30 سبتمبر 2011

خطتي المتينة

فكنت بخطط لحياتي أنا ناوية أعمل إيه و عملت plan A و plan B............بعد ما أتفحت 3 سنين نيابة (ناوية إنشاء الله أبقى نايب شاطر جدا جدا) يإما هتعين باإما لأ بس في كلتا الحالتين ناوية أبقى أشطر حد في المكان اللي هبقى فيه و أبدأ أعمل researches كتير قوي و أخد الدكتوراه في بلاد برة (يعني علشان ده معناه انك أحسن) و أخد جايزة نوبل و أبقى رئيسة قسم في المكان اللي انا في أو يبقالي مركز أورام بإسمي (بس حاجة حكومة) يبقى عندي تلاميذ كتير قوي ساعدت في أني أعلمهم و يعلموني و أغير فيهم و يغيروا فيه .......زززو عيانين بيجولي من كل حتة في الدنيا علشان يتعالجوا عندي و ناس بتتبع الprotocols بتاعي و عيانين بيدعولي في كل حتة و الكتب تبدأتتكلم عني .......................و في الوقت ده يبقى معاي فلوس كتير علشان أعمل مكتبة كبيرة قوي........ في أودة صغيرة على جنب فيها مؤلفاتي و نسخي الشخصية من كتبي المفضلة .............كل حيطة في الأودة عليها حاجة .....واحدة عليها كتبي اللي أنا كاتبها في الطب....و التانية كتبي اللي أنا كتباها في الأدب أو كتب الأطفال ......و حيطة فيها نسخي الشخصية لكتبي المفضلة أو الكتب اللي ناس معروفة عملنلي إهداء فيها....و الحيطة الأخيرة مليانة صور ليه......صور قديمة و جديدة و متبروز ورق لنسخ أصلية من حاجات أنا كتباها ....و في فترينة على جنب فيها كراستي الصفرة بطالعها من حين لأخر علشان أكتب حاجة فيها أو أقرى حاجة قديمة قوي انا كتباها...و على جنب السي دي بتاع فيلم ديزني اللي عملوا لقصة أنا كتباها للأطفال..... و المكتبة هتبقى ريحتها دايما حلوة لأنها مليانة ورد طبيعي في كل حتة............ و في أودة المكتب الخاصة بيه هيبقى في ليلي أبيض و بمبي بيتغير كل كام يوم...و أنا هبقى متواجدة معظم الأيام أساعد الناس بأني أنصحهم يقروا كتب إيه كل واحد حسب شخصيته....حلم لطيف مش كده و مستقبل مبهر محتاج وقت و صبر و جهد و إرادة و عزيمة ..........و طريق طويل قوي ما خطتش فيه خطوة واحدة ............. بس لحظت الأتي في خطتي لاحظت أولا أن خطتي العبقرية دي اترسمت لشخص واحد بس من غير حد تاني يشاركك حياتك و لا يسندك (و ده أنا مش عايزاه) و ثانيا أن مافيش مرحلة من دول كان هدفي أولا أرضي ربي و أعمل لأخرتي و أفيد الناس و بعدين أحقق ذاتي يمكن أكون شخصية أنانية أو يمكن أنا متخيلة أن ده هيجي بالمرة مش قادرة أحكم..........بس ده خلاني أحس أني محتاجة priority adjustment قوي جدا ....أعرف أن الدنيا فانية و أني محتاجة بكل قوة أعمل حاجات لأخرتي و أني أصلح نيتي و أنا بعمل حاجاات الدنيا علشان ربنا يجزيني عنها............يارب حببني في طاعتك يا رب و قويني و ثبتني علشان أحقق اللي نفسي فيه و أدخل بيه الجنة

هناك تعليق واحد: