مش رومانسي و لا حاجة

قالوا بطل تدور عن الحب وهو هيلاقيك و أنا زي كل البنات دي عندي تلت حالات لا رابع لهم يا أما نفسي أتحب دلوقتي حالا يا أما حسة أن ده مش وقته خالص و دي فترة الأمتحانات و ما قبلها يا أما ما فيش حاجة فارقة معايا لا أنا عايزة أتحب و لا أنا مش عايزة أتحب. بس لاحظت حاجة غريبة جدا أن أنا أول ما بطل أفكر في موضوع الحب ده و ربنا يهديني كده و احترم نفسي فجأة ألاقي الحب هجم عليه من كل مكان. أي حد يقرى الكلام ده يقول طب أيه الغريب في كده ما هو ده اللي مكتوب في اللأول. لأ لأ أنتوا فهمتوني غلط أه هو بيهجم عليه يعني أنا بحب حد ولا حد أتعمى في نظره أقصد فتح و شافني و حبني لأ بلاقي كل الناس اللي حوليه بيحبه و بيتخطبه و بيتجوزه ألا أنا و ناس معينة هما عرفين نفسهم كويس و ألاقي نفسي بتمرجح بين الحالتين الأولى و الثانية, فبقولها و بكل ثقة أي حد نفسوا صحابة أو عالته يتجوزوا ما يفكرش في الحب. أما هو شخصيا فعوضوا على الله لأن سواء كان بيفكر في الحب, حاسس أنه مش وقته أو مش فارق معاه فكده كده مش هيلاقيه و كل اللي بنئمله أن ربنا يستجيب لدعوة عمتي " ربنا يرزقكم بشلة عرسان هبل يتجوزوكم و نخلص منكم" مع تعديل بسيط في موضوع الهبل ده

البداية

أحترت أكتب أيه في أول تدوين ليه وقررت أكتب اسمي. أنا رنيم حسن قرني سليمان وعند اسم قرني أنقسمت العائلة لثلاث أقسام بين ناس مش عاجبهم الأسم ودول معظم العائلة وناس مش فارق معاهم الأسم ودول أنا و أي حد لسه عنده شويت عقل وناس معجبة جدا بالأسم لدرجة أنهم قراروا لو ظبطت معاهم حكايت طول شعرك و أنزل الملاعب دي هيبقى أسمهم قرني. طبعا مستغربين أزاي حد يعمل موضوع من جزء من اسمه بس أقول أيه هو ده أنا رنيم حسن قرني سليمان.