وقفت ككل لسيارات بجوارها في إشارة المرور و تعلق وجهها بالأرقام الإلكترونية و أخذت تعد في صمت 70 69 68 ........... إلا أن سرحت و رأت أن حياتها أصبحت كإشارة مرور حمراء لكن بلا أرقام إلكترونية لتعرف متى ستتحرك مرة أخرى........ "يالا أدينا وقفين زينا زي الناس" قالتها بلهجة ساخرة للسيارة المسكينة و عادت مرة أخرى تتابع الأرقام 50 49 48 47............. نظرت إلى الساعة أنها 10:30 و ما زالت في بداية الطريق كده هتاخر إيه الإشارة دي "بذمتك الخمسين ثانية دول هم اللي هيأخروكي و هيأخروكي عن إيه يا ترى"................ 30 29 28 27 26..........أخذت تفكر بهدوء أول ما أوصل هكلم فلانة و أشتري ما أعرفش إيه و مش لازم أتأخر و أنا مروحة........... "المفروض في حاجة مهمة إنهاردة بس مش فاكرة خالص" يالا مش مهم......... أخذت تدوس على البنزين و العربية ممورة ليصدر ذلك الصوت العالي المحبب إليها "ven ven ven" مسكينة و الله العربية طبطبت على الدركسيون و قالت كالذي يهدهد طفل صغير "معلش أنا بحبك و الله بس معرفش ليه بعمل فيكي كده" ............10 9 8 ............جيب الأول و نستعد................5 4 3 ......... نحط رجلينا عالبنزين............... 2 1 0 يالا............العربية فصلت ...............أخدت تدور السيارة مرة أخرى و لكنها لم تستجب "يالا يا حبيبتي علشان خاطري..هركنك في حتة ظل و الله... دور ي دوري " ................... و لكن السيارة رفضت أن تدور أخذت تنظر حولها إلى السيارات المنطلقة فأطلقت ضحكة عالية مجلجلة إنتهت بفيض من الدموع
ليست هناك تعليقات:
إرسال تعليق